【香水】花果香氣| ♥ AIGNER Debut 女士香水 ♥

 

 

德國著名時裝品牌AIGNERA早陣子推出了Debut女士香水
以清新怡人的花果香氣為女士們添上醉人風韻

 

AIGNER Debut 女士香水- HK$363 /100ml

以佛手柑、苦橙葉及柑橘為初調：
清爽怡人，綻放活力朝氣

 

緊接以橙花、茉莉、睡蓮及黃葵籽作中調：
予人溫婉嫵媚的感覺

最後以香草、雪松木及廣藿香譜出的優雅基調：
散發千嬌百媚的醉人風韻

 

AIGNER Debut 以透明淡粉紅為樽身，
再配搭金色樽蓋，感覺新清可愛又不失高貴♥ ♥

 

我好喜愛這枝AIGNER Debut 香水，蠻Long lasting
但唯獨噴咀口感覺比較大，按一下就出好多香水，好似要滴落黎咁!

 

而初初聞呢枝香水，
感覺好重粉味呢～感覺偏中東人會喜歡的香味:P

然後噴既時候不免有種好濁既味，
但好多快就變左做一種好清新好田園既香氣，

 

之後就轉變為淡淡既粉香味，
是我很喜歡的氣味♥ ♥ 有一點像Anna Sui 那枝波希米亞香水

。

。

。

當過了不知多少個小時間後，
女性嫵媚的香氣就淡回做小女生香氣呢♥ ♥

 

 

 

是次產品由公關提供，
純個人使用後分享，效果則因人而異 。

【曼谷】玩樂│推油 ● 舒服又享受 Divana Virtue Spa Massage ♥

黎到泰國，除左食同買，當然唔少得做 Spa/Massage啦♥♥

我平時唔係咁鐘意去大陸按摩/推油，
但黎到泰國，我就一定會做，因為真係好正好舒服嫁


今次就帶左個朋友黎試下Divana Virtue Spa

Divana 除左分Virtue Spa、Massage & Spa、Drivine Spa...
有咩分別? 我就無留意啦，之前去過而且同今次住既酒店好近♥

拿～官網顯示係BTS Surasak站Exit 1，
但我就覺得由Exit 3行去比較近


當去到Exit 3，左邊是樓梯，右邊是上黎既電梯，
而我地既方向係電梯個邊，姐係右手邊

咁我地就去左手邊落樓梯，行返去右手邊
就會見到呢條路啦，係第一個路口向左邊行(藍書包個到)


跟住去到第二個路口，就會見到指示牌，
咁就轉向左手邊行多幾步就到達Divana


其實由BTS行去，大約五六分鐘左右就會到


呢到好靚靚嫁♥♥
我建議大家唔好BOOK咁夜，天暗就影唔到靚園景







好靚靚♥


行去Spa條路仔，入面既姐姐見到我地，就會出黎接待
我地要係出面除鞋，由得放係地下然後進入室內


入面一樣是好靚靚的


坐係入面，頓時覺得好似公主:P




一坐下，就送上花茶


先comfirm booking，我們會做Aromatic Relaxing Massage 120mins
價錢:90mins /1,650THB，120mins /2,150 THB

去之前記得上網print定coupon，會有10% off (似乎不同時期推廣)
優惠價後是1,935THB 約HK$460位，我當然覺得值啦♥


店員會在我們手上滴上三種不同既香油，
根據自己既喜好告訴她，然後會再問一些相關問題，
例如：邊個部位唔按得？
邊個部位需要加強？大中小力度等等...


稍等一下，我地就穿上拖鞋


跟著美美姐姐走到房外，
先介紹負責按我們的按摩帥，然後進入雙人房換衣服


哈哈，呢間房是我之前做的那間





當準備好一切，就敲這個鐘鈴以表示可以進來




先簡單浸一下腳，簡單做一下磨砂
然後就開始推油啦
。
。
。
時間過得很快，兩小時已經過了，
好舒服，快要睡著的樣子，最後還會用熱毛巾按你的腰及背，
按完整個人好舒服，一身輕呢♥♥♥

我朋友先去沖身，而我在旁邊坐一下

她們真的很快手，話咁快間房執得七七八八
然後她們離開房間。


左邊是企缸，右邊是洗手間，
中間還有她們家的產品可以用




做完之後，我們先坐下休息
然後送上花茶及水果，今次是小菠蘿呢
好可愛喔♥




櫃上跟架上還有很多他們家的產品，
香薰油，護膚用品等


這家我都蠻推介大家去試一下，
平時平少少既推油兩小時都要差不多三百元港元，
這家四百幾元，係試得過！環境美美的，當然手勢也很好♥♥

Divana
http://www.divana-dvn.com/

 

是次療程屬自費，純個人分享 。

 

【曼谷】住宿│大力推介 暹羅摩德沙吞酒店 Mode Sathorn Hotel

早幾日去完曼谷，間酒店真係好值得推介
位置方便，唔太貴而且位於BTS旁邊，整體相當棒！推介♥

 上一次我是住W Hotel集團既Aloft Bangkok Sukhumvit 11，
個間酒店設施幾好，設計新穎，好young好型，
但房間就好普通，唔大，而且差不多七八百港元一晚呢～

▲係咪見到都心心眼呢？
Mode Sathorn Hotel 暹羅摩德沙吞酒店****

購至AirAaisGo(早鳥):
機票不連托運 + 酒店四晚 = HK$2465位
去程10:45, 回程16:40

Airasis 托運係計kg 唔係計件，所以去程25kg $190/2人
回程25kg $180/1 = HK$2740位 

真係好平嫁！當然唔係最抵啦，話哂上落機時段唔差

▲或者你唔中意廉航，分開買都好抵嫁
你早一個月訂房都仲有早烏價，唔計早餐雙人房平均五百幾一晚，
未計幾十至百零蚊酒店稅/服務費，似乎你去邊間訂啦～

▲位於BTS Surasak站，距離siam只有四個站

▲然後在EXIT 3

▲去到 EXIT 3之後，正當諗緊間酒店係邊既時候，
就見到係前面，真係無諗過近成咁，正！

▲大堂lobby，簡約有質感 (入口附近往內看)

▲Reception counter x2
它拿了我的信用卡，但沒有要收我們押金

▲整個感覺好舒服 (往門口方向看)

▲很喜歡這些茶几

▲蛋蛋吊椅，但有時候晚上回來等lift，
看到背住的椅子有一對腳，哈哈 (自己嚇自已)

▲桃紅色房卡，我們住20樓01室

▲敲敲敲！一打開門，心諗咩料？
做咩有個衣櫃對住個門既？心裡默默感覺似神檯

然後，就聽到友人歡呼大叫

▲經過個櫃，左手邊是開方式衣櫃

▲而右邊是浴室，大鏡大玻璃

▲基本用品都有，仲有小針線包

▲旁邊就是TOTO浴缸配清大玻璃，
完全無諗過會有浴缸，所以兩條女歡呼連連yohoo!

▲正當歡呼既時候，發現浴缸轉入角位，
有個花灑柱企缸，可以同時一個人浸浴一個人沖涼
 

▲出返去，衣櫃旁邊就是洗手間，
同樣有大鏡，門與坐廁既空間其實相當大，而且感覺好潔淨

 
▲而另一邊，就是睡房空間，
睇相你地可能會覺得每個空間都有個門，
但其實只有廁所是有門，其餘都是用牆間隔出個別空間

▲兩張特大單人床，係平時細既雙人床size，
肥妹我king size大字型訓都仲有好多位:D

▲床對面是電視及檯

▲中間仲有化妝鏡，
但成間房一張椅都無，而且光線好暗，所以呢個設計用唔著

▲床頭檯既燈製是可以控制成間房

▲全身鏡

▲衣櫃既左手邊，會有個電筒

當研究完成間房，我地就去返門口個櫃，
打極都打唔開，明明冇野LOCK住，但用盡力都開唔到，
心裡開始諗埋D恐怖野，好驚一開會有野。

我地唔見房有雪櫃，熱水機等等既用品，
我地相信係企入面，但真係開唔到，朋友就無啦啦對住個櫃敲門，
個一刻真係驚慌了一下，真係好驚入面有回應，

▲最後終於強行開了，
因為對櫃門太實，要有特別既開門方法同埋大力小小

這間房有四枝免費水，
上層櫃架仲有茶杯、玻璃杯、紅酒杯、小冰桶等

▲雪櫃小而精

▲而入住既時候，會有兩張卡
可以去換飲品一次 (只限堂食)

 
▲夜晚洗完浴缸，就晚晚都浸浴，
有時買完野返酒店放低野，成身汗都忍唔到小浸一回

酒店游泳池

天台酒吧

小結：
雖然上面講到個櫃咁恐怖，但其實都係自己嚇自己，
呢間係我去過既住宿入面，最有安全感，完全無驚驚地既感覺，
完全係好舒適好安樂

而缺點方面，就是燈光好暗，
夜晚搵野真係好唔方便，但靚浴缸大床同埋夠近BTS，
已經足以推介比大家考慮。

是次住宿屬自費，純個人分享。